Nagulat ako noong nalaman ko na may magaganap na Solar Eclipse ngayong araw. Nalaman ko lang ito noong nasa opisina na ako kanina. Matagal na panahon na din mula noong huli akong nakasaksi ng ganitong bagay. Grade 3 yata ako noon kung tama pa ang pagkakaalala ko. Kung kaya't hindi na ako nagdalawang isip na mag half day na lang sa trabaho para masaksihan ko ang bihirang pangyayaring ito. Bitbit ang aking camera, nagpunta ako sa mataas na parte ng aming bahay at nagsimulang kumuha ng larawan ng nabanggit na Solar Eclipse.
Hindi ko maipaliwanag ang saya at excitement na naramdaman ko noong nakita ko na naguumpisa ng takpan ng anino ng buwan ang haring araw. Nakakapanindig balahibo.
Isang napakagandang simula ng taong 2010. Sana ay good luck ang dala nito sa atin.
Ilan sa mga larawan (i-click para sa mas malaking sukat):
No comments:
Post a Comment